Ditën e sotme ka nisur pelegrinazhi i 13 të martave në Kishën e Shën Ndout në Laç. Besimtarë të shumtë i janë drejtuar këtë të martë vendit të shenjtë, me shpresën për të gjetur ngrohtësi shpirtërore. Besimtarët e ndryshëm vizitojnë Kishën e Shën Ndout nga i gjithë vendi, duke u lutur për shëndet, mirëqënie, harmoni dhe begati.
Pelegrinët çdo të martë në 13 të tilla do të drejtohen Kishës deri më 13 qershor ditën ku dhe kulmon përfundimi i këtij pelegrinazhi të përvitshëm.
“Krejt e mrekullueshme, siç mendoi Zoti për këtë ditë me rreze dielli, jemi shumë besimtarë që Zoti jetën na ka falë, me gjithë shpirt kjo nënë u thotë që qofshin të gjithë të lumtur”, u shpreh një besimtare.
“Sot është dita e parë, vazhdon 13 të marta për qejf, ndihem më mirë më gjithë familjen na ka ndihmu. Ju ndihmohtë edhe ju”, u shpreh një tjetër.
Për të garantuar mbarëvatjen e pelegrinazhit, Drejtoria vendore e Policisë në Lezhë në bashkëpunim me pushtetin lokal kanë hartuar një plan masash. Çdo të martë do të ketë prezence të shtuar policie për të garantuar rendin dhe sigurinë publike. Mijëra persona udhëtojnë çdo të javë drejt kishës së Shna Ndout në Laç deri në ditën e 13 qershorit kur është dhe festa e këtij shejti dhe numri i pelegrinjëve shkon mbi 1 milion.
Kisha e Shna Ndout daton që nga shekulli XIII dhe objekti i rëndësishëm i kultit mori famë për shkak të Shna Ndout, një predikues i njohur katolik.
Discussion about this post