Nënkryetarja e Partisë Demokratike, Jorida Tabaku është shprehur nga Strasburgu se masat e marra nga qeveria në kuadër të rritjes së çmimeve nuk luajnë asnjë rol në jetën e qytetarëve.
Në një lidhje live për News 24, Tabaku tha se Bordit i Transparencës nuk ishte i domosdoshëm, duke e quajtur atë shpikje alla-komunizëm, ndërsa shtoi se 26 % e buxhetit familjar shkon për karburantet.
“Kosto që ka çmimi i karburantit, është e papranueshme. PD që në 2015 ka diskutuar për këtë situatë. Sot tregova me fakte dhe prova se është më i lartë se edhe në Pakista. INSTAT e tregon Shqipërinë si vendi më të ardhura më ulëta për frymë. Në gjithë botën karburanti si përqindje i të ardhurave është shumë më ulët, në rastit tonë shkon 26 % të buxhetit familjar. Qeveria si gjithmonë ka qenë vonë me marrjen e masave dhe ato qesharake. Krijimi i bordit i papërshtatshëm, duhet të kishte ndërmarrje që qeveria e shiti për skrap. Masat që ka marrë qeveria është paket e miratuar në buxhetin e vitit të kaluarën, nuk ka asgjë të re , i vetmi ndryshim janë fondi i vendosur në dispozicion për energjinë, masat e tjera nuk kanë ndryshuar. Nuk po bën asgjë anormale. Kanë vendosur një fond në dispozicion për energjinë, por çmimi i energjisë për bizneset është rritur. Nuk ka lidhje vetëm me luftën, por edhe me rritjen e çmimeve të bizneseve…Sot ka vetëm një përfituese, që është buxheti i shtetit”, u shpreh ajo.
Gjithashtu Tabaku tha se në këtë rast duhet ndërhyrë menjëherë nëpërmjet tre hapave që janë: Paketa ekonomike për familjet e varfra, politikat e taksave dhe të mos rritet çmimi i energjisë.
Discussion about this post