Protesta kundër rritjes së çmimeve, ja kërkesat e përmbledhura të protestuesve (Foto)

Për të shtatën ditë rresh, qytetarët janë pozicionuar para kryeministrisë për të protestuar kundër rritjes së çmimeve.

Ndërkohë, protestuesit kanë paraqitur edhe kërkesat e tyre të përmbledhura në disa pika kundrejt qeverisë.

Ata kërkojnë që të hiqet taksa e qarkullimit si dhe pezullim i TVSH-së për produktet e shportës.

Kërkesat e përmbledhura

Kërkesa e përgjitshme të ulet çmimi i karburantit në nivelin me ato të rajonit.
Ulja e barrës fiskale dhe garantimi i qëndrueshmërisë së çmimeve.
Zerimi i përkohshëm i TVSH për produktet e shportës.
Përcaktimi i marzhit të fitimit në sektorin e hidrokarbureve. Mbikëqyrje dhe raportim 3 mujor në Kuvend nga ana e Autoritetit të Konkurrencës.
Rishikimi i buxhetit të shtetit për shpenzimet e luksit të administratës publike.
Krijimi i një kompanie publike që të konkurrojë me kompanitë private të naftës.
Përcaktimi i minimumit jetik. Zgjerimi i skemës së kompensimit dhe mbështetjes së fermerëve.