Qytetarët vazhdojnë të mbrojnë kauzat e tyre për të shtatën ditë rresht, teksa kanë paralajmëruar se të shtunën, do të bëhet protestë kombëtare dhe se nuk do të largohen nga sheshi për 24 orë nëse kërkesat nuk plotëson.
Aktivisti Redon Meksi teksa ka paralajmëruar dhe policinë për protestën, thotë se kjo e fundit nuk mund t’u bëjë asgjë qytetarëve pasi janë në zbatim të ligjit.
“ Që sot do njoftojmë policinë që ditën e shtunë, do vijmë këtu do të zëmë sheshin dhe nuk do të largohemi deri sa të na plotësohen kërkesat. Do rrimë natë dhe ditë. Do marrim masa që të jemi këtu. Policia nuk ka çfarë të bëjmë sepse jemi në zbatim të ligjit.” shprehet Meksi.
Ndër të tjerash aktivisti shprehet se nuk ka as qeveri as opozitë që i mbështetë dhe se janë vetë qytetarët ata që do i bëjnë ballë.
Discussion about this post