Zyrtarët ukrainas kanë deklaruar se 103 fëmijë ukrainas kanë rënë viktima të luftës që prej hyrjes së ushtrisë ruse në vend. Forcat ruse kanë shenjestruar më shumë se 400 shkolla dhe 59 prej tyre janë shkatërruar, tha prokurorja e përgjithshme Iryna Venediktova.
Më herët ushtria ukrainase njoftoi se ka eliminuar 13.800 ushtarë rusë që prej fillimit të luftës Rusi-Ukrainë, 24 shkurt. Sipas raportit të publikuar nga ministria e mbrojtjes në Ukrainë, ushtria e vendit ka shkatërruar 430 tanke ruse, 1375 automjete të blinduara luftarake, 190 sisteme artilerie dhe 108 helikopterë.
Sot Ukraina është zgjuar në ditën e 21 të luftës, me raundin e katërt të negociatave për paqen që ka bërë disa përparime pozitive, por ende nuk ka asgjë konkrete.
Discussion about this post