Mbi 500 mijë pula kanë ngordhur në Durrës dhe Korçe për shkak të një sëmundje që po përhapet me shpejtësi. Autoriteti Kombëtar i Ushqimit ka në lidhje me këtë problematike përmes një deklarate publike.
Sipas AKU nuk ka vend për panik dhe se në treg nuk ka vezë të pulave të sëmura. Në Durrës sëmundja Laringotrakeiti ka rënë në masë në pularitë kryesore të qytetit dhe ka shkaktuar ngordhjen e 175.300 pulave. Në ditët në vijim do dalin shifrat për pularitë e tjera dhe numri total pritet në rang qyteti të kaloj 400 000.
Pas Durrësit, edhe në qarkun e Korçës dyshohet se sëmundja “Laringotrakeiti” ka rënë në masë tek shpendët në jug-lindje të vendit. “Një rast që është çuar për analiza”, thotë Adriatik Skenderasi përgjegjës i sektorit veterinar pranë Drejtorisë Rajonale të Bujqësisë në Korçë.
Discussion about this post