Në një intervistë për mediat, deputetja Dhurata Çupi deklaron se dorëheqja e Lulzim Bashës do t’i shërbente e Partisë Demokratike. Çupi shprehet se Sali Berisha ka mbështetjen e strukturave të PD-së, ndërsa shton se lëvizja e tij ka për qëllim ngritjen dhe bashkimin e partisë. Ajo gjithashtu shton se pret që pas reflektimit, Lulzim Basha të marrë vendimin për t’u larguar, pasi sipas saj, kriza në PD ka arritur kulimin.
“Mendoj që lëvizja e Sali Berishës kurrë s’ka pasur qëllim për të shkatërruar Partinë Demokratike. Përkundrazi i besoj lëvizjes së tij në kuptimin e ngritjes dhe bashkimit të Partisë Demokratike. Nuk e mendoj, asnjë anëtar i strukturave të Partisë Demokratike nuk e ka menduar që nuk ka mbështetje zoti Berisha në strukturat e Partisë Demokratike. Ka mbështetje në strukturat e Partisë Demokratike. Zoti Basha duhet të japë dorëheqjen për të mirën e Partisë Demokratike. Ne urojmë që të shkojmë drejt kësaj, të ketë tërheqje. Basha ka deklaruar se është në reflektim e sipër, presim vendimmarrjen e Bashës. Kriza e thellë është në kulmin e vet, nuk ka ku të shkojë”, u shpreh deputetja e PD, Dhurata Çupi.
Discussion about this post