Iu gjendën pako me kokainë, arrestohen në flagrancë 2 persona në Fier (Emrat)

Policia e Fierit ka arrestuar dy persona pasi u ka gjetur një sasi kokaine. Sipas Policisë, operacioni i cili u zhvillua në kuadër  të operacionit “Servisi”, në pranga kanë përfunduar Ludi (Lutfi) Meçaj dhe Visar Kolina. Brenda mjetit “Benz”, ku udhëtonin të dy, Policia ka gjetur 2 pako me kokainë dhe 3 aparate celulare dhe 1 automjet.

Në afërsi të një servisi, në lagjen “Liri”, Fier, Policia ka lokalizuar dhe ndaluar automjetin tip “Benz” me të cilin po qarkullonin shtetasit Ludi (Lutfi) Meçaj dhe Visar Kolina. Gjatë kontrollit në automjet dhe kontrollit fizik ndaj personave, policia ka gjetur dhe sekuestruan në cilësinë e provës materiale 108 gramë lëndë narkotike kokainë. Në vijim të veprimeve, u arrestuan në flagrancë Ludi (Lutfi) Meçaj, 32 vjeç dhe Visar Kolina, 32 vjeç, të dy banues në Fier, për veprën penale “Prodhimi dhe shitja e lëndëve narkotike”, e kryer në bashkëpunim.

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.