Për disa ditë me radhë në kryeqytet dhe në disa qytete të tjera të vendit, janë mbajtur protesta për të kundërshtuar rritjen e çmimit të karburanteve dhe të produkteve të shportës.
Dhe nuk kanë për ta lënë me kaq. Kjo sepse ditën e shtunë është thirrur një protestë kombëtare ndërsa shënohet protesta e 8 që nga momenti kur çmimet u rritën.
“Na u ndez llamba. Të shtunën ora 11:00 tek sheshi Skëndërbej, marshojmë për të qëndruar përpara kryeministrisë’, thuhet në njoftimin e shpërndarë në rrjetet sociale.
Pritet që të shtunën të vendoset nëse protesta do të vijojë pa ndërprerje sikundër është paralajmëruar, ose jo. Në protestën e fundit Ramës iu la afat për plotësimin e kërkesave deri më 19 mars, dhe nëse nuk reagonte, do të kërkohej largimi i tij si Kryeministër.
Mirëpo kryeministri nuk është sprapsur pasi ka deklaruar që jo 3 mijë, por 45 mijë qytetarë të mblidhen poshtë zyrës së tij nuk ka ndërmend të ulë çmimet e karburanteve.
Discussion about this post