Pak ditë më pare qarkulluan lajme se jahtin e manjatit rus Roman Abramovich iu afrua ujërave shqiptare. Në lidhje me këtë çështje ka reaguar kryetari i Këshillit Shkencor dhe Pasurive Nënujore në UNESCO, Auron Tare. Përmes një postimi në Facebook, Tare thotë se “My Solaris” nuk e prekur fare cepin e ujërave shqiptare dhe as nuk u ankorua në një prej porteve tona por preferoi Malin e Zi.
Ai shton se po të hynte në ujërat e vendit tonë do i shërbehej menjëherë dhe nëse do kërkonte mbrojtje ambasada britanike do ishte e para që do përgjigjej duke shpjeguar edhe arsyen. “Kryelajm i gjitha mediat tona. E ceku apo jo cepin e ujërave te Shqipërisë, Jahti i Abramovich? Fatkeqësisht MY Solaris nuk hyri fare në ujërat tona le më të ankorohej në një prej Porteve Shqiptare. (Preferoi Malin e Zi) Se po të hynte jo vetëm që do t’i shërbehej menjëherë por ne se do të kërkonte mbrojtje, Ambasada Britanike do te ishte e parë qe do t’i përgjigjej”, shkruan ai, ndërsa thekson se sipas ligjit çdo jaht që përmban flamurin me simbolin e Bermudës është i mbrojtur.
Discussion about this post