Motra dhe rivale! Marina dhe Luana rrëfejnë eksperiencën në skenë

Marina dhe Luana Vjollca rrëfyen këtë mbrëmje në “Ëndërrtjerrësit” eksperiencën e tyre bashkë në skenë. Në shumicën prej emisioneve apo spektakleve në Top Channel ato ishin bashkë, edhe pse me karaktere të ndryshme.

“Unë çapkëne dhe Marina vajza më e mirë në botë, panë që kimia ishte fantastike, s’kishte si të ndodhte ndryshe se ne bashkë kemi bërë çdo gjë”, tha Luana.

“Me Luanën kemi qenë në çerdhe, kopsht, universitet bashkë. Ne aty në E Diell ishim dy prezantuese që kishim dy prezantuese me dy skuadra. Patëm një periudhë pak vjeçare shumë të vrullshme”, tha Marina. Ndërsa treguan që, edhe pse tashmë punojnë në televizione të ndryshme ato sërish janë bashkë pasi këshillojnë dhe konsultohen me njëra- tjetrën.