Pak minuta më parë është nxjerrë nga miniera e shembur në Tropojë edhe trupi i minatorit të dytë që humbi jetën. Sipas burimeve, viktima është Afrim Zhutaj, 43 vjeç. Kujtojmë se Adil Dautaj ishte kolegu i cili u raportua si i vdekur i parë, ndërkohë tashmë janë nxjerrë të dy trupat.
Ngjarja në Tropojë ndodhi rreth orës 13:00 të ditës së sotme, ku brenda galerisë po punonin 6 punonjës, në një moment ajo u shemb dhe zuri brenda të gjithë minatorët. Për fat të mirë 4 prej tyre arritën të dilnin pak minuta më pas, ndërsa 2 prej tyre humbën jetën.
Tragjedi të tilla ndodhin shpesh në minierat në vendin tonë dhe sërish qeveria vazhdon të mos marrë masa, por minatorët punojnë në mes të rrezikut.
Discussion about this post