Teksa protesta para Kryeministrisë kundër rritjes së çmimeve në vend, po vazhdon, aktivisti Ervin Goci është shprehur se shpreson që qytetarët të mblidhen në shesh pasi të rrish në shtëpi kushton më shumë.
“ Menduam meqë ka pasur kërkesë e lamë të hapur që protesta të eci pa orar, sigurisht që kur bën një protestë të gjatë duan struktura, por ne i lamë të lirë.
Gjithsesi kam shpresë se në oraret e mëvonshme do të ketë mobilizim, po shtohen disi, ta vazhdojmë më vonë, ishte një dëshirë që protesta të ecte pa dallim, nuk kishte ndonjë qëllim të fshehtë apo të tërthortë, ne i dimë sfidat për një protestë, njeriu duhet të guxojë.
Ne do ta mbajmë gjallë sa të kemi fuqi.Të rrish sot në shtëpi kushton ndërsa ekonomia është vënë për 5 oligarkë. Kjo është thelbi për të mos bërë shumë poezi”, shprehet pedagogu.
Ai tha se protesta do të ketë vazhdimësi, ato nuk do të ndalen e do të vazhdojnë me muaj e muaj.
“Ideja ishte e vazhdimësisë, qëndrueshmëria zgjat orarin, nuk bëhet fjalë zgjatje pas zgjatje. Kjo ishte ideja”, shprehet Goci.
Discussion about this post