Përgjaket bulevardi “Migjeni”, motoristi përplas rëndë kalimtarin, në rrezik për jetën

Një tjetër aksident i rëndë është shënuar mbrëmjen e sotme në Tiranë.

Burime policore bëjnë me dije se ngjarja ka ndodhur te bulevardi “Migjeni”, ku një motor me drejtuesin e identifikuar me iniciale L. D., ka aksidentuar këmbësorin e identifikuar me iniciale B. M., dhe më pas drejtuesi i motorit ka humbur kontrollin dhe është përplasur me mjetin e një personi tjetër të identifikuar me iniciale R. Gj.

Si pasojë e aksidentit janë drejtuesi i motorit L. D., dhe këmbësori B. M., të cilët ndodhen në spital, nën kujdesin e mjekëve. Paraprakisht dyshohet se shkak është bërë shpejtësia përtej normave të lejuara, ndërsa policia nuk ka qenë në patrullim për të parandaluar ngjarjen.

Burime të tjera për gijotina.com bëjnë me dije se këmbësori është transportuar në gjendje të rënë në spital. Grupi hetimor ndodhet në vendngjarje dhe po punon për sqarimin e rrethanave të aksidentit.

Gijotina.com raporton se bilanc i aksidenteve vijon të rritet.