Ashtu siç u paralajmërua protesta e ditës së sotme do të ishte ndryshe nga ato që janë zhvilluar disa ditë më parë, pasi qytetarët do të qëndronin para Kryeministrisë për 24 orë, duke brohoritur uljen e çmimeve në vend. Edhe pse qytetarët ishin duke zhvilluar një protestë paqësore, Policia e Shtetit nuk ka nguruar të ndërhyjë sërish për t’i shpërndarë. Zv/drejtori i DVP Tiranë, Luigj Vathi, në një komunikim të shkurtër u tha gazetarëve se nuk ndërhyn për të ndalur protestën, por për të hapur rrugën.
Ndërkohë ai nxori edhe një detaj. Tha se policia i kishte njoftuar protestuesit se do të mund të qëndronin në rrugë deri në orën 17:00, ndonëse me vendim të Gjykatës Kushtetuese policia vetëm njoftohet dhe nuk mund të vendos orën se sa do të zgjas protesta.
“Ne thjeshtë kemi liruar rrugën për qytetarët dhe mbarëvajtjen e automjeteve të transportit publik. Çdo qytetarë ka të drejtë të protestojë por pa cenuar të drejtat e qytetarëve të Tiranës. Ua kemi kthyer me shkrim që protesta do jetë deri në orën 17:00 dhe ata po qëndrojnë në trotuar.
Nuk diskutojmë ligjshmërinë e protestës, por ne thjeshtë kemi bërë lirimin e rrugës”, tha Vathi.
Discussion about this post