Gresa Bakraqi ishte sportistja e vetme nga Kosova që garoi në Kampionatin Botëror të sallave të mbyllura në Beograd. Gresa u përfaqësua me inicialet “KOS” në fanellë, teksa ajo garoi në 1500 metra dhe doli e 17-ta nga 19 garuese, me kohë 4 minutë e 28.40 sekonda.
Federata Ndërkombëtare e Atletikës, kishin vendosur që asnjë flamur i ndonjë shteti pjesëmarrës të mos shfaqet në stadium.Megjithatë, as regjia serbe nuk e shfaqi flamurin e Kosovës tek emri i garueses, por vetëm shkurtesën “KOS”.
Në lidhje me këtë, Komiteti Olimpik i Kosovës dje njoftoi se së bashku me Federatën Atletike të Kosovës janë ankuar menjëherë në Federatën Ndërkombëtare të Atletikës dhe në Komitetin Olimpik Ndërkombëtar.Mirëpo, flamuri i shtetit të Kosovës nuk figuron as në rezultatet zyrtare të publikuara në faqen zyrtare të Federatës Ndërkombëtare të Atletikës “World Athletics”.
Discussion about this post