Sulmi i Interit mbetet sulmi më i mirë i Serie A, megjithatë rënia që ka hasur në vitin 2022 nuk mund të mos i bëjë drejtuesit të reflektojë për sa i përket merkatos. Për sezonin e ardhshëm zgjidhja mund të jetë Duvan Zapata, i kërkuar tashmë verën e kaluar për të zëvendësuar Lukakun, por Atalanta e shpalli atë të pashitshëm dhe Inter fillimisht u kthye te Thuram, më pas me dëmtimin e këtij të fundit, te Correa.
Megjithatë, kur të rihapet merkato, Inter do të rikthehet sërish te kolumbiani dhe nuk është e sigurt që skenari do të jetë i njëjtë, duke qenë se Zapata po përjeton një sezon të vështirë për shkak të dëmtimeve dhe dëshiron të ndryshojë ambjent. Zgjedhja e parë është ende Scamacca, një element mbi të cilin, nisur nga mosha e re, mund të ndërtohet për një kohë të gjatë sulmi i së ardhmes.
Kostoja për Scamacca-n është e lartë dhe ka konkurrencë nga Milan dhe disa klube të huaja. E sigurt është se edhe nëse merkato e radhës do të mbyllet me fitim (me shitjen e De Vrij dhe të tjerëve), nuk do të ishte e lehtë për Interin të merrte pjesë në një ankand për Scamacca-n, ndërkohë që mund ta kishte më të lehtë të merrte Zapatën nga Atalanta.
Discussion about this post