Drejtoria kryesore e Inteligjencës e Ministrisë së Mbrojtjes së Ukrainës pretendon se elita ruse po e shqyrton mundësinë e vrasjes së presidentit rus, Vladimir Putin. Ukraina pretendon se pas gjithë kësaj qëndron një grup njerëzish me ndikim që janë opozitë në Rusi. Bëhet fjalë, thonë ata, për elitën politike dhe të biznesit.
“Helmim, sëmundje e papritur, aksident – elita ruse po e shqyrton mundësinë e largimit të Putinit. Qëllimi i tyre është të largojnë Putinin nga pushteti sa më shpejt të jetë e mundur dhe të vendosin lidhje ekonomike me Perëndimin, të cilat u shkatërruan nga lufta”, thuhet në një postim në faqen e Ministrisë ukrainase të Mbrojtjes në Facebook.
Sipas ukrainasve, ata e shohin kreun e inteligjencës, Alexander Bortnikov, si pasues të Putinit.
“Është domethënëse që vetë Bortnikov kohët e fundit ra në disfavorin e Putinit. Arsyeja zyrtare e rënies së tij është vlerësimi fatal i luftës në Ukrainë”, thotë ministria ukrainase.
Bortnikov dhe departamenti i tij, sipas njoftimit, ishin përgjegjës për analizimin e situatës mes njerëzve në Ukrainë, si dhe vlerësimin e kapaciteteve të ushtrisë ukrainase. Ministria ukrainase thekson më tej se Bortnikov dhe disa përfaqësues me ndikim të elitës ruse po shqyrtojnë opsione të ndryshme se si ta largojnë Putinin nga pushteti.
“Nuk përjashtohen helmimet, sëmundjet e papritura apo ndonjë “aksident” tjetër” – thuhet ndër të tjera në postim.
Nga Ministria ukrainase e Mbrojtjes thonë se këtë informacion e kanë marrë nga pala ruse.
Discussion about this post