Situatë alarmante në Durrës/ 70.000 pula prej 48 orësh të pagroposura

Një gjendje alarmante është krijuar në Durrës pas ngordhjes masive të pulave.

Bizneset shprehen se janë njoftuar të gjitha autoritetet, por deri më tani nuk është gjendur akoma një zgjidhje.

“Kemi njoftuar te gjitha autoritet dhe akoma nuk kane gjetur një zgjidhje. Është një ngërç ndërmjet Ministrisë së Bujqësisë, Ministrisë së Mjedisit dhe Pushtetit vendor. Situata është shume e rendë dje duhet zgjidhje imediate. Janë 70.000 pula që kanë 48 ore të pagroposura. Nga dekompozomi i tyre në natyre shkaktohet ndotje mjedisore.”

Ndërsa ka rreth 200 mijë pula kanë ngordhur duke ngritur dyshimin se është përhapur gripi i shpendëve, çuditërisht ministria e bujqësisë ka reaguar duke aluduar për përhapje paniku dhe në deklaratën publike theksoi se nuk ka asnjë rast të tillë.

Por në mënyrë të papritur këtë të dielë e njëjta ministri kundërshton veten dhe pranon rastin e parë të gripit të shpendëve. Pavarësisht se nuk është saktësuar se cili është stabilimenti,  mësohet se është i njëjti që ka deklaruar ngordhjen e mbi 200 mijë shpendëve.