Aksident i rëndë në Kosovë, 18 të lënduar

Një aksident i rëndë ka ndodhur këtë të diel ku janë përfshirë 4 makina, ka ndodhur në fshatin Grabanicë të Klinës.

Si pasojë janë lënduar 18 persona, ndërsa të lënduarit janë dërguar me autoambulancë dhe me makina private në Spitalin Regjional të Pejës.

Lajmin e ka konfirmuar zëdhënësi i Policisë së Kosovës për rajonin e Pejës, Driton Rugova

“Sot rreth orës 19:05 në fshatin Grabanicë të Klinës, ka ndodhur një aksident trafiku në mes katër veturave ku si pasojë 18 persona kanë marrë lëndime trupore. Të lënduarit janë dërguar me autoambulanca e disa të tjerë edhe me vetura private për në spitalin rajonal të Pejës”, ka thënë Rugova.

Ndërkaq, në vendin e ngjarjes kanë dalë njësitë kompetente policore dhe janë duke u marrë me rastin.

Si pasojë e aksidentit, është krijuar edhe kolonë e gjatë e automjeteve.