Një person është arrestuar nga policia dhe një tjetër është shpallur në kërkim, pasi kanë gërryer shtratin e lumit Vjosa, me qëllim nxjerrjen e inerteve.
Gjatë operacionit “Vjosa e pastër” u arrestua Ertiol Lamaj, ndërsa u shpall në kërkim Antuel Agaj. Lamaj është konstatuar nga shërbimet e Policisë, në vendin e quajtur “Mollaj” ,në shtratin e lumit Vjosa, duke gërryer dhe marrë inerte me kamionë, ndërsa Agaj, pronari i kamionit, u shpall në kërkim.
Policia ka sekuestruar po ashtu 3 mjete të tonazhit të rëndë, dy kamionë dhe një fadromë. Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme.
Discussion about this post