I bie porta e hekurit në kokë, plagoset rëndë 8-vjeçarja në Maliq

Një ngjarje e rëndë është regjistruar në Maliq ku një e mitur është plagosur pasi i ka rënë porta e hekurit në kokë duke përfunduar në spital.

Sipas njoftimit, ngjarja ndodhi rreth orës 13:30 në fshatin Drithas, Maliq, ku një fëmije rreth 8 vjeçe, aksidentalisht i është rrëzuar përsipër një portë hekuri, duke e dëmtuar në kokë. Aktualisht e mitura ndodhet në Spitalin e Korçës, nën kujdesin e mjekëve.

“Më datë 21.03.2022, rreth orës 13:30, jemi njoftuar se në fshatin Drithas, Maliq, një fëmije rreth 8 vjeçe, aksidentalisht i është rrëzuar përsipër një portë hekuri, duke e dëmtuar në kokë. Aktualisht e mitura ndodhet në Spitalin e Korçës, nën kujdesin e mjekëve. Grupi hetimor po punon për të sqaruar rrethanat e ngjarjes”, njofton policia.