Në një postim që ka bërë në rrjetet sociale, ambasadori i BE-së në Shqipëri, Luigi Soreca, ka reaguar për dorëheqjen e Lulzim Bashës nga kreu i PD. Soreca shprehet se respektojnë vendimin e Bashës, ndërsa shton se Shqipëria ka nevojë për një opozitë të fortë që i kërkon llogari qeverisë dhe e kontrollon atë.
“Ne respektojmë vendimin e Lulzim Bashës për t’u dorëhequr si Kryetar i PD-së. Si çdo demokraci tjetër, Shqipëria ka nevojë për një opozitë të fortë që i kërkon llogari qeverisë dhe e kontrollon atë. Ne presim që lidershipi i ri ta luajë këtë rol vendimtar dhe të vazhdojë të mbështesë integrimin në BE si qëllim themelor të veprimit të tij, duke nxitur reformat dhe duke mbështetur reformën në drejtësi dhe luftën kundër korrupsionit” – thuhet në reagimin e ambasadorit Soreca.
Discussion about this post