Ish-kryeministri i Kosovës, Ramush Haradinaj, i është kundërpërgjigjur kryeqeveritarit aktual Ablin Kurti, pasi ky i fundit bëri me dije se me qeverinë e re në Mal të Zi ka shpresë se çështja e korrigjimit të vijës kufitare do të lëvizë.
“E vërteta është vetëm një”, ka thënë ish-kryeministri i Kosovës, Ramush Haradinaj, i cili i është kundërpërgjigjur kryeqeveritarit aktual Ablin Kurtit, pasi ky i fundit tha se me qeverinë e re në Mal të Zi ka shpresë se çështja e korrigjimit të vijës kufitare do të lëvizë.”
Ai është shprehur se dy nga tri dokumentet, kufirin e Kosovës e përcaktojnë në Qafë të Çakorrit dhe në Kullë të Zhlebit.
“Dy nga tri dokumentet e miratuara, në Ligjin për ratifikimin e marrëveshjes për kufirin shtetëror mes Kosovës dhe Malit të Zi, e përcaktojnë kufirin në Qafë të Çakorrit dhe në Kullë të Zhlebit”, ka shkruar Haradinaj në Facebook.
Ndërkaq, kryeministri Kurti pas vizitës që i bëri Shkollës Fillore dhe të Mesme të Ulët, “Xhemail Mustafa”, theksoi se Qeveria paraprake e Malit të Zi e cila kishte përbrenda elemente pro ruse përveç se pro Beogradit dhe natyrisht që nuk kishte kushte për një trajtim të tillë.
“Pra shpresojmë që do të ketë kushte të reja me Qeverinë e re, për ta trajtuar edhe këtë çështje, për të cilën natyrisht që fajin e përgjegjësinë e ka ajo Qeveria e atëhershme e cila padrejtësisht, gabimisht, shumë të dëmshëm ia dha Malit të Zi, 8200 hektar të territorit të Kosovës”.
Ndryshe më 21 mars, me 80 vota pro, 11 kundër dhe asnjë abstenim, Kuvendi miratoi demokracionin pas katër herë ndërprerjesh për shkak të gjuajtjes me gaz lotsjellës nga Vetëvendosje, atë kohë opozitë.
Për shkak të hedhjes së gazit atë ditë, shumica e deputetëve të VV-së u përjashtuan nga seanca.
Procesi i miratimit të demarkacionit zgjati tri vjet dhe u paraprijë nga një debat i madh, protesta dhe reagime të shumta nga qytetarë, politikanë dhe ndërkombëtarë. Kosova dhe Mali i Zi nënshkruan marrëveshjen e demarkacionit në Vjenë të Austrisë në vitin 2015. Mirëpo deri te ratifikimi në Kuvend, Kosova kaloi nëpër trazira të ndryshme.
Discussion about this post