Sot është shpallur dita pa makina, ku në shumë rrugë është kufizuar dhe devijuar lëvizja edhe për transportin urban. Por si kjo ditë do të kemi edhe të tjera, kështu ka paralajmëruar sot kryeministri Edi Rama, i cili njofton shqiptarët se do të ketë më shumë të tilla në kalendarin tonë. Përmes një postimi në facebook Rama thotë se kjo ditë do të bëhet pas hapi pjesë e pandalshme e kalendarit tonë mujor.
“Dita pa makina duhet të bëhet hap pas hapi pjesë e pandashme e kalendarit tonë mujor, ashtu sikundër fuqizimi i transportit publik dhe nxitja e përdorimit të biçikletave në qytet, do të jenë pjesë e pandashme e punës së përbashkët me pushtetin vendor, për më shumë cilësi jete në hapësirat publike të komuniteteve tona”, shkruan ai.
Kryeministri ka paralajmëruar një sërë masash në kuadër të planit të kursmit, ndërkohë rrugët më të rëndësishme kombëtare dhe lagjet e qyteteve zhyten ne terr pas mesnate si pjesë e skenarit për kursimit të energjisë
Discussion about this post