Covid-19 nuk i “shqitet” Interit, kush doli pozitiv në testet e sotme

Lautaro Martinez ishte i pari që doli me Covid-19 dhe humbi ndeshjet me kombëtaren e Argjentinës, duke bërë që të mbetet në Milano.

Te Interi edhe mund të kenë festuar, për shkak se nuk dëshironin që lojtari i tyre të grumbullohej me kombëtaren në prag të ndeshjes kundër Juventusit.

Tani të njëjtin fat ka edhe mesfushori Matias Vecino, i cili ka dalë pozitiv ditën e sotme pas kryerjes së testit për covid-19.

Kështu ai nuk mund të jetë i gatshëm për Uruguain. Kombëtarja e tij ka dy ndeshje të rëndësishme për kualifikueset e Katar 2022 kundër Perusë dhe Kilit.

Me të dalë negativ, ai dhe Lautari Martinez mund të bashkohen me skuadrën e Interit dhe të mendojnë për duelin vendimtar kundër bardhezinjve.