Nuk ndalen tenderët abuzivë në drejtoritë e bashkisë Tiranë ku Drejtoria e Përgjithshme e Taksave dhe e Tarifave Vendore ka zhvilluar një tender me fond limit prej 6 657 720 lekë ose gati 66 milionë lekë të vjetra vetëm për letra njoftimi.
Në epokën e digjitale ku shumica e lajmërimeve bëhen me postë elektronike dhe qeveria ka shkurtuar shpenzimet në buxhetin e vitit 2022 për shkak të krizës energjitike, drejtoria në varësi të bashkisë Tiranë ka gjetur një metodë të re se si të “kënaqë” kompaninë “INPRESS” shpk duke shpërdoruar taksat e shqiptarëve me letra.
Megjithatë kompania “ADEL CO” shpk që ka marrë pjesë në tender, nuk është pajtuar me arsyet e skualifikimit dhe ka bërë ankesë në Komisionin e Prokurimeve Publike. Madje kompania në fjalë ka bërë ankesë duke deklaruar se kompania fituese “Inpress” shpk nuk plotëson kushtet e përcaktuara në katalog.
Inpress shpk nuk e ka herën e parë që shpallet fitues nga skualifikimi i kompanive të tjera. Në tenderin me numër REF-03559-08-23-2021 për “Botime, printime dhe materiale shtypshkrimi” për Ministrinë e Arsimit janë skualifikuar të gjithë operatorët pjesëmarrës në garë me ofertë më të ulët se oferta fituese. Inpress shpk është shpallur fitues me vlerën e 99% të fondit limit. Procedura e prokurimit është shënuar me flamur të kuq si tenderi i dyshuar për praktika korruptive.
Metoda e skualifikimit përdoret në ato raste kur prokuruesit e tenderit e kanë përzgjedhur fituesin para se ta shpallin atë. Në këtë mënyrë, kompanitë e tjera që marrin pjesë, skualifikohen duke vepruar në mënyrë jo etike në shkelje të ligjit. Kështu, kompanitë e “padëshiruara” që marrin pjesë në të, skualifikohen me çdo mënyrë që është në shkelje të ligjit.
Discussion about this post