Ka 19 vite që tenderin për pastrimin e Spitalit të Traumës e fiton kompania SORI-AL më administratore Alma Tafanin e cila është bashkëshortja e Kreut te Dhomës së Tregëtisë, Nikolin Jaka. Miliarda lekë janë ofruar nga shteti për këtë shërbim ndërsa sanitareve të Spitalit të Traumës nuk i ofrohen nga kompania gjërat më minimale si dorezat dhe maskat.
Një denoncim wshtw bwrw nga punonjëset e kompanisë SORI-AL të cilat median e kanë parë si të vetmen zgjidhje, pasi kërkesave të tyre nuk i është përgjigjur as administratorja Alma Tafani dhe as drejtoresha e spitalit Edlira Bode.
Denoncimi:
Punonjëse e SORI-AL: Jemi një grup punëtorësh sanitare në Spitalin e Traumës.
Gazetarja: Çfarë problemi keni?
Punonjëse e SORI-AL: Kemi problem që punon një sanitare me 30 shtretër në një pavion dhe nuk ia dalim dot. Për një sanitare është shumë e lodhshme nuk e përballon dot.
Gazetarja: Kompaninë SORI-AL e keni vënë në dijeni të këtyre vështirësive që keni?
Punonjëse e SORI-AL: E di kompania që është e papërballueshme, thotë po u ankuat ju heqim nga puna.
Sanitaret shprehen se ato kërcënohen me largim nga puna edhe nëse kërkojnë një kopje të kontratës së punës.
Punonjëse e SORI-AL: Kur e kemi kerkuar kontratën na bëjnë presion për të na hequr nga puna, Kemi frikë me fol. Të gjitha sanitaret kanë frikë të flasin,a snjë nuk flet vetëm nga frika se mbajnë familjen me këtë rrogë.
Skandaloz është fakti që tualetet e Spitali i Traumës janë vendi ku sanitaret konsumojnë drekën
Punonjëse e SORI-AL: Kushtet tona janë si mos më keq. Ne ndërrohemi në banjo, hamë bukë në banjo.
Gazetarja: Po pse në tualet, duhet të hani bukë në tualet?
Punonjëse e SORI-AL: Po ku të shkojmë? Kanë caktuar një vend në bodrum edhe ajo është një dhomë shumë e vogël si mos më keq. Kur të mbushet me ujrat e banjove sipër pikon tavani.
Gazetarja: Keni folur me kompaninë në lidhje me këtë gjë?
Punonjëse e SORI-AL: Kompania di gjithçka, mos u ndjeni thotë.
Pas këtij denoncimi ‘Ora investigim’ bëri një vezhgim brenda të Spitalit të Traumës dhe mundëm të fiksojmë disa momente ku shihet qarte se në mungesë të një ambienti për të ngrenë punonjëset e konsumojne ushqimin në tualet.
Kompania e zonjes Tafani merr miliarda lekë nga buxheti i shtetit por nuk i vë në dispozicion punonjëseve gjerat me elementare siç janë maskat dhe dorezat.
Punonjëse e SORI-AL: Ne gjithçka prekim me dorë, është turp që ne mos të kemi doreza maska.
Gazetarja: Keni shkuar te administratorët e kompanisë per t’i paraqitur shqetësimet tuaja?
Punonjëse 2 e SORI-AL: Jemi ankuar njëherë por asnjë masë nuk është marrë. Pas ketij deonocimi ‘Ora investigim’ ka bërë nje vezhgim te Spitali i Traumes ku duket se sanitaret punojnë pa doreza.
Vetem një pikë solucion pastrimi i rënë në përparsen e punës i ka kushtuar shtrenjte sanitareve që kane nje rroge minimale 30 mijë lekë në muaj. Punonjëse e SORI-AL: Uniformat mbasi i kemi mbajtur në trup tre vjet e gjysëm kishte ardhur koha pë të marrë uniforma të reja, kompania na vendosi 40 mijë lekë gjobë pse i kemi pikuar me açe. Ai që ka pikuar uniformën e dytë 80 mijë lekë u mbajtën nga rroga jonë për 2 uniforma të cilat kishin arritur skadencën.
Gazetarja: Këto lekë jua mbajtën nga rroga?
Punonjëse e SORI-AL: Nga rroga. Ato flasin për përparëset që i kemi bërë me açe dhe për atë na ngarkuan 40 mijë lekë një uniformë, por nuk e kanë fare problem që ajo açe hyn në mushkritë tona dhe ne jemi shumë të rrezikuar në çdo lloj sëmundje dhe virusi.
Ne ditët në vazhdim Tv Ora do të transmetojë të tjera dëshmi të punonjëseve të cilat shprehen se menyra si trajtohen nga kompania e zonjës Tafani është skllavëri e kohëve moderne.
Discussion about this post