Kreu i grupit parlamentar të PS, Taulant Balla ka dhënë një deklaratë për mediat ku ndër të tjera ka folur dhe për zgjedhjen e Presidentit të ri të Republikës pas përfundimit të mandatit të Ilir Metës më 24 korrik.
Balla tha para gazetarëve se procedura për zgjedhjen e Presidentit perfundon jo më vonë se 24 maji, ndërsa shtoi se mund të kemi një Presidente në krye të Republikës.
“Neni 88 i Kushtetutës ka përcaktuar kohën kur fillon procesi i zgjedhjes së Presidentit. Procedurat fillojnë jo më vonë se sa 60 ditë nga data e përfundimit të mandatit. Pra jo më vonë se 24 maji. Kuvendi ka ende kohë në dispozicion dhe pak ditë deri sa të fillojë procedurat. Procedura e zgjedhjes së Presidentit të Republikës merr 5 raunde në Kuvend. Në 2017 Presidenti i Republikës është zgjedhur më 27 prill sepse procesi përkonte me mbarimin e mandatit të Kuvendit. Në rastin tonë, procesi duhet të përfundojë më 24 maj dhe brenda datës 24 maj që është dhe një ditë, që ka pasur një kontekst të caktuar historik, ne do të kemi dhe presidentin e ri të Republikës, ose Presidenten e re të Republikës”, tha Balla.
Ndër të tjera, Balla tha se pas mbledhjes së sotme të grupit të PS-së, u vendos që pas ministrave, edhe deputetët do të dalin në terren për të inspektuar çmimet e ushqimeve.
Discussion about this post