Balla komenton për herë të parë dorëheqjen e Bashës

Kreu i grupit parlamentar të Partisë Socialiste, Taulant Balla nuk i ka shpëtuar pyetjes lidhur me dorëheqjen e Lulzim Bashës si kryetar i PD.

Para gazetarëve, Balla refuzoi të japë një koment për zhvillimet e fundit në selinë blu. Sipas tij, paketa e rezistencës sociale është pika më e rëndësishme për momentin.

“Ne jemi gati që nesër të nisim punën për dy Komisionet e Posaçme. Dorëheqja e Bashës, i gëzuar? Nuk kam asnjë koment për këtë çështje pasi për në ka rëndësi paketa e Rezistencës Sociale. Kam marrë përgjigje për dy çështjet, kam marrë përgjigje. Kam marrë përgjigje për kompleksin “Partizani”, është regjistruar procedim penal, edhe unë që kam bërë kallëzimin të jap edhe unë gjithçka di, kam marrë informacion edhe për çështjen tjetër. Ka pasur dhe një kallëzim tjetër nga një qytetar. Kjo mbetet një aferë e rëndë në financat e shtetit, çështjet janë bashkuar”, tha Balla.

Më herët, Balla u ndal tek emri i ri i Presidentit të Republikës ku ngriti dyshimet se mund të kemi për herë të parë një Presidente.