Duke qenë se prania e gripit të shpendëve në vendin tonë u zbulua me vonesë dhe masat nuk janë marrë si duhet, ka shumë shanse që mish dhe vezë të infektuar të kenë kaluar në treg. Për këtë rrezik, I e eksperti i ushqimit, Abdyl Sinani, tregoi me detaje se si të kuptojmë nëse veza apo mishi i pulës janë të infektuar dhe simptomat që ka një person i prekur.
“Secili nga ju të çajë një vezë, dhe nëse lëngu i vezës është i ngjitur me të verdhën, pra nuk është i lëngshëm, atëherë kjo është në rregull kjo vezë, por në këtë situatë që jemi, me këtë sëmundje që është tani, asnjë vesh nuk do konsumohet. Në këtë rast duhet t’i lëmë vezët fare,” tha Sinani.
Më tutje ai tha që në rast se qytetarët infektohen nuk duhet t’i kapë paniku, por duhet të bëjnë dallimin përmes simptomave dhe të kontaktojnë menjëherë mjekun e familjes, ndërsa tregoi dhe disa nga simptomat kryesore
“Nëse infektohemi, kemi lodhje shumë të fortë të organizmit, marrje mendsh, duhet të shkëputemi nga të tjerët dhe të shkojmë të bëjmë analizat. Duke qenë se pelikani ka ndodhur në Greqi, kjo do të thotë që sëmundja po bie si shi, se kjo është më e keqja përhapja mes ajrit,” tha eksperti. Sakaq, ai i bëri thirrje qeverisë që të marrë masa urgjente dhe më efektive.
Discussion about this post