Kreu i OSHEE-së, Ardian Çela, ka folur për një rritje të mundshme të çmimit të energjisë elektrike në vend. Çela është shprehur se niveli i humbjeve teknike llogaritet në 15% dhe se 1% humbje teknike ne duhet të investojmë 50 mln euro. Ai gjithashtu tha se janë konstatuar edhe raste të përdorimit të energjisë elektrike për bimë narkotike dhe kriptomonedhat, të cilat janë proceduar penalisht.
“OSHEE vazhdon tu qëndrojë targeteve që ka vendosur. Niveli i humbjeve teknike llogaritet në 15%. Kjo ka një raport me nivelin e humbjeve teknike. Për 1% humbje teknike ne duhet të investojmë 50 mln euro. Ne jemi në nivelin 92% për kategoritë familjare. Problem përbëjnë muajt e parë të vitit. Tani jemi duke rikuperuar. Ka një problematikë që vihet re për herë të parë është me biznesin që i ndryshoi tarifa. Kemi proceduar disa herë me shkelësit e ligjit. Kemi konstatuar edhe raste të përdorimit të energjisë elektrike për bimë narkotike dhe kriptomonedhat. Në lëvizjen e fundit që u bë, çlirohet OSHEE nga sikleti i investimeve. Kemi disa projekte që do të vazhdojmë. Do jemi më të mbledhur sa u përket investimeve. Por nuk do lëmë pas dore investimet e rëndësishme” – tha ai.
Discussion about this post