Prej ditësh gripi i shpendëve ka kapluar vendin. Edhe pse është thënë se në tregje nuk duhet të shiten pula të pakontrolluara, në Fier po ndodh e kundërta. Në një prej tregjeve të qytetit vazhdojnë të shiten shpendë të gjalla.
Edhe pse Ministria e Bujqësisë ka urdhëruar kontrollin e shpendëve, tregtarët thonë se nuk janë kryer kontrolle.
“Jo s’ka ardhur njeri”, thotë një tregtare.
“Deri tani nuk na kanë thënë gjë që nuk duhet të shesim. I marrim nëpër fshatra” , shprehen ata.
Është absurde që vetë bashkia që ka ngritur këtë treg apo dhe institucionet e tjera të shtetit nuk kryejnë kontrolle të shpendëve që shiten.
Kujtojmë që pas Durrësit dhe Korçës, gripi i shpendëve ka mbërritur dhe në qarkun e Dibrës. Mësohet se rastet e para janë shfaqur në fshatin Rreth-Kalë në Njësinë Administrative Muhurr në Bashkinë Dibër.
Deri tani sipas banorëve kanë ngordhur rreth 200 pula në ekonomi të vogla të këtij fshati.
Discussion about this post