Dafina Zeqiri ka debatuar virtualisht me një ndjekëse ditën e sotme dhe shkak është bërë Beatrix Ramosaj. Këngëtarja publikoi një video humoristike në në rrjetin e saj social Instagram ku Beatrix komentoi në formë mbështetëse për kolegen e saj, duke shkruar “Okaaay”.
Komenti i saj ka marrë replika të ndryshme nga njerëzit, e jo të gjitha janë pozitive. Dikush i shkruan Dafinës “Ruaje se po ta merr”, duke hequr një paralele mes komentit që Beatrix i la Bora Zemanit për takimin me Donald Veshajt. Beatrix i shkroi asokohe moderatores: “Më kujtuat se sa bukur është të dashurosh. Me zemër në dorë dje i çmenda komshinjtë duke bërtit. Të dua zemër”.
Lidhur me këtë koment ka reaguar vetë Dafina e revoltuar, e cila u ka bërë thirrje të gjithë komentuesëve të mos ushtrojnë më bullizëm, aq më tepër femra-femrës.
“Ruaje për çfarë? A e keni seriozisht sidomos ju femra që komentoni kështu për një femër tjetër? Nuk kam nevojë asnjë me rujt! Kurgjo me zor nuk shkon! Stop bullying! Stop this nonsense! Or get the f… out of my page! Idiot”- ka shkruar ajo në mbrojtje të ish-banores së “Big Brother VIP”.
Beatrix dhe Dafina kanë lënë të nënkuptohet në rrjetet sociale se po sjellin një bashkëpunim, detajet për të cilin ende nuk i kanë zbuluar.
Discussion about this post