Rreth 9 mijë shtetas shqiptarë aplikuan për azil në 27 vende të Bashkimit Europian duke u renditur të dytët pas turqve, me 16% të aplikimeve nga vendet e Europës dhe të parët në rajon sipas Eurostat.
Nga statistikat e Eurostat, Franca mbetet vendi preferuar i shqiptarëve ku në vitin 2021 mori gati 4900 aplikime, ose 54% të totalit. Kjo zgjedhje vjen për shkak të lehtësive që ofron në pasjisjen me dokumenta, mosdëbimeve dhe integrimit në jetën sociale.
Në vend të dytë rezulton Gjermania, me 13.5% të totalit të aplikimeve. E treta është Greqia, me 12.6% dhe më pas renditet Italia, me 8.5% të totalit të aplikimeve nga shtetasit shqiptarë për azil në një nga vendet e BE.
Në vitin 2021, rreth 535 mijë aplikantë për azil për herë të parë (qytetarë jo të Bashkimit Europian) bën kërkesë për mbrojtje ndërkombëtare në Shtetet e BE-së.
Më shumë se gjysma (54%) e azilantëve për herë të parë në 2021 ishin kontinenti i Azisw, ndërsa 25% ishin nga vendet e Afrikws, 10% nwnshtetësi europiane (qytetar jo të Bashkimit Europian) dhe 9% nënshtetësi amerikane.
Sirianët, afganët dhe irakianët kanë bërë më shumë kërkesa për azil, duke përbërë rreth 40% të të gjithë aplikantëve për herë të parë në vendet e BE-së në vitin 2021.
Siria ngelet vendi kryesor i shtetësisë së azilkërkuesve në Bashkimin Europian që nga viti 2013. Në vitin 2021, sirianët paraqitën 98 320 aplikime për herë të parë (18% e numrit total të aplikimeve për herë të parë në BE).
Afganët janë shtetësia e dytë kryesore për të tretin vit radhazi (83 520), ndërsa irakianët u renditën të tretët në 2021 (25 965).
Në vitin 2021, sirianët, afganët dhe irakianët përbënin numrin më të madh të kërkesave për azil për herë të parë në Gjermani (56% e të gjithë azilkërkuesve sirianë për herë të parë në BE, 28% e afganëve dhe 60% e irakianëve).
Burimi: Eurostat
Discussion about this post