Prej gati një jave në vendin tonë po qarkullon gripi i shpendëve. Të dhënat e fundit tregojnë që pas Durrësit dhe Korçës, ku u zbulua fillimisht, gripi po përhapet edhe në Dibër, Lushnje e zona të tjera. Ministria e Bujqësisë po gropos pulat e ngordhura, por ende nuk ka marrë asnjë masë që të parandalojë tregtimin e vezëve apo mishit të infektuar. Ndërkohë edhe ISHP si një institucion përgjegjës është kujtuar vetëm ditën e sotme të dalë në një reagim.
Anëtarja e ISHP Silva Bino tha për mediat se Virusi H5N8 mund të transmetohet edhe tek njerëzit, por ka simptoma tepër të lehta. Ndër të tjera ajo u shpreh për mediat se individët më të rrezikuar për t’u infektuar janë punonjësit e pularive.
“Simptomat kryesore të gripit të shpendëve mund të shfaqen shumë shpejt dhe përfshijnë: Zakonisht duhen 3-5 ditë që simptomat e para të shfaqen. Pas shfaqjes së simptomave është e mundur të zhvillohen komplikime më të rënda si pneumonia. Marrja e shpejtë e trajtimit, përdorimi i ilaçeve antivirale, mund të parandalojë komplikimet dhe të zvogëlojë rrezikun e zhvillimit të sëmundjeve të rënda”, tha ajo.
Binaj ka dhënë dhe disa këshilla se si të veprojmë në rast infektimi, por nuk ka treguar ndonjë masë të marrë nga ISHP, apo ndonjë këshillim që ky institucion të ketë bërë me qeverinë, që kjo e fundit të veprojë.
Discussion about this post