Një zjarr masiv u shfaq rreth orës 6 të mbrëmjes në Fush-Dushk, në Malin e Dajtit.
Zjarri rrezikonte të përhapej në drejtim të zonës qëndrore të Parkut duke rrezikuar seriozisht të merrte përmasa katastrofike.
Falë ndërhyrjes së menjhershme te punonjësve tanë, banorëve të zonës dhe forcave zjarrfikëse pas rreth dy orë përpjekje u bë i mundur izolimi dhe shuarja e plotë e zjarrit.
Sakaq kujtojmë se prej dy ditësh, dy vatra zjarri vijojnë të jenë aktive në rrethin e Krujës. Vatra e parë u shënua në afërsi të urës së Tubit në Rinas, e cila përfshiu bregun e lumit për një gjatësi disa kilometra duke djegur shkurre e ferra dhe duke iu afruar banesave në disa vende afër Niklës.
Ndërsa vatra tjetër është shënuar në afërsi të fabrikës së çimentos në Zalle, ku ka përfshirë sipërfaqe të mëdha me pisha, ullishte etj, forcat zjarrfikëse ndodhen në vend duke u munduar të lokalizojnë flakët.
Zjarret mendohet të jenë të qëllimshëm, të cilët vihen nga barinj për të hapur kullota.
Discussion about this post