Sot u raportuan dy vatra të reja të gripit të shpendëve përpos Durrësit, Korçës dhe Dibrës.
Analizat e dërguara në Tiranë nga veterinerët e zonës konfirmuan se 60 pulat e ngordhura në fshatin Gur të Divjakës, rezultuan se ishin të infektuara me gripin e shpendëve. Banorët e zonës, groposën në kanal pulat e ngordhura duke rrezikuar përhapjen e infeksionit në gjithë pulat e fshatit.
Zëvendës ministrja e Bujqësisë Ermira Gjeci bën thirrje policisë që të ndalojë shitjen në tregje.
“Ka vazhduar monitorimi i situatës në të gjithë vendin. AKU ka kryer kontrolle në të gjithë vendin. Policia e shtetit. Prefektët dhe kryetarët e bashkive janë në bashkëpunim për të ndaluar çdo tentativë të shkeljes së ligjit. Sigurojmë konsumatorët se nuk ka asnjë rrezik nga vezët dhe mishi i blerë në vendet e certifikuara dhe të gatuara me më shumë se 70 gradë. Në faqen tona gjeni informacionin e nevojshëm për qytetarët dhe fermerët”, deklaroi Gjeci.
Në të gjithë vendin deri më tani kanë ngordhur si pasojë e gripit të shpendëve të paktën 382 mijë shpendë në të gjithë vendin.
Discussion about this post