Tiranë, me biçikletë hedh shishen me lëndë djegëse poshtë makinës së drejtorit të UKT

Policia e Tiranës bën me dije se një person ka hedhur një shishe me lëndë djegëse, poshtë mjetit të parkuar në pronësi të shtetasit T. T.

Ngjarja ka ndodhur pranë Bashkisë së Tiranës ku një person i paidentifikuar që lëvizte me biçikletë ka hedhur shishen.

“Më datë 25.03.2022, në afërsi të Bashkisë Tiranë, një shtetas akoma i paidentifikuar që po lëvizte me biçikletë, ka hedhur një shishe, dyshohet me lëndë djegëse, poshtë mjetit të parkuar në pronësi të shtetasit T. T. Zjarri është fikur pa shkaktuar dëme.” – njofton policia.

Mësohet se mjeti është në pronësi të shtetasit Taulant Tusha, drejtori i UKT.

Grupi hetimor nën drejtimin e Prokurorisë po punon për identifikimin dhe kapjen e autorit të dyshuar dhe sqarimin e rrethanave të ngjarjes.