Kiara Tito është një nga moderatoret më të dashura për publikun shqiptar e cila është mjaft e rezervuar sa i përket jetës së saj sentimentale dhe publiku di shumë pak për të.
Duke folur në emisionin “Ëndërrtjerrësit”, moderatorja Kiara Tito shprehu se puthja që i dha këngëtarit Butrini Imeri shumë vite më parë i solli një rritje të ndjeshme të ndjekësve të saj në rrjetet sociale dhe i ndryshuar karrierën e saj për mirë.
“Që nga ky momenti i kësaj puthjes që dhashë pata një ndryshim të madh nga rrjete sociale, pata një rritje të ndjekësve. Ishte komplet rastësore, por edhe emisioni eci mirë. Mund të them që ka qenë një moment që më ka ndikuar për mirë edhe në vazhdimësi të gjërave të mia.”.
Për një kohë shumë të gjatë, Kiara Tito është përfolur për një marrëdhënie me këngëtarin Butrint Imeri. Ata nuk e kanë pranuar kurrë se kanë qenë bashkë, por fotot e shkrepura nga paparaci kanë treguar të kundërtën. Gjithashtu, Kiara mori pjesë në videoklipin “Hajt hajt” të Butrinit dhe që atëherë lajmet për ta nuk pushuan.
Megjithatë, Kiara vazhdon të pyetet ende për raportet me Butrintin. E pyetur disa kohë më parë për këngëtarin, ajo tregoi se i ka ardhur në majë të hundës me këtë histori, duke u shprehur se i ka ikur vlera kësaj teme dhe kërkon që të mos e pyesin më.
Discussion about this post