Organizata Botërore e Shëndetësisë i konsideruar krime lufte sulmet e Rusisë në Ukrainë. OBSH bënë me dije se ushtria ruse ka bombarduar pa mëshirë edhe spitalet, ku brenda gjendeshin fëmijë dhe gra shtatzëna. Deri më tani janë raportuar mbi 70 sulme ndaj spitaleve dhe ambulancave, ndërsa numri vijon çdo ditë të jetë në rritje. OBSH thotë se shënjestrimi i spitaleve është bërë pjesë e strategjisë dhe taktikave të luftës së ashpër të Putin.
Sipas të dhënave, sulmet në objektet e kujdesit shëndetësor në Ukrainë shkaktuan të paktën 71 të vdekur dhe 37 të plagosur. Shumica kanë dëmtuar spitalet, transportet mjekësore dhe dyqanet e furnizimeve, por OBSH ka regjistruar gjithashtu rrëmbimin ose ndalimin e mundshëm të personelit të kujdesit shëndetësor dhe pacientëve.
Discussion about this post