Kanë reaguar për mediat Fqinjët e Arben Micit, 26-vjeçari iu cili i cili dyshohet se i vuri flakën me çakmak dhomës ku po qëndronte në komisariatin e Kamzës. Ato thonë se policia është fajtore për vdekjen e Micit dhe shprehin dhimbje për fqinjin që humbi jetën në pikë të rinisë. Një nga fqinjët tha se policia në vend t’i jepte dënimin dhe ta rregullonte si njeri, e dogji nga papërgjegjshmëria dhe e çoi kufomë në shtëpi/
“Djali nuk ka bërë gjë. Jo, jo. Djali pinte për vete i shkreti, të shtëpisë e çuan në polici. Policia e ndreqi!! E solli kufomë. E fute në burg, mos e vra. Jepi dënimin që i takon. Mos e digj me shkrepëse. Ky është krim. O zot! Gjynah është fëmijë”, kanë thënë ato për Top Channel. ”Shtëpi e mirë, shtëpi fukarenjsh, krejt fukara jena, familje e varfër, nuk di çfarë me thënë Më iku truri si me qenë djali im”, tha fqinja tjetër. Kujtojmë se ngjarja ndodhi mbrëmjen e kaluar ku Komisariati i Kamzës mori flakë dhe si pasojë u lënduan disa persona dhe humbi jetën Arben Micit, i cili është edhe i dyshuari kryesor për zjarrëvenie.
Discussion about this post