Një person është arrestuar në Tiranë për shkatërrim të pronës me zjarr. Policia njofton se një 60-vjeçar me inicialet D.S., është vënë në pranga pasi akuzohet se ka djegur një pjesë të pyllit të Maknorit.
Sipas njoftimit të policisë, 60-vjeçari ka ndezur zjarr në lagjen “Ullishte” në fshatin Maknor me qëllim hapjen e kullotave.
Por, gjithçka i ka dalë nga kontrolli dhe për pasojë, burri në fjalë ka djegur pyllin. Ai akuzohet për veprat penale “Shkatërrimi i pronës me zjarr” dhe “Shkatërrimi nga pakujdesia me zjarr i pyjeve dhe i mjedisit pyjor”.
Drejtoria Vendore e Policisë Tiranë apelon për të gjithë qytetarët, që në asnjë rast të mos shkaktojnë zjarrvënie, pasi do përballen me ligjin, dhe fton ata që të denoncojnë në numrin 112 dhe Komisariatin Dixhital, për çdo rast të zjarrvënies ose çdo rast paligjshmërie, duke iu garantuar anonimat të plotë dhe reagim të menjëhershëm e të paanshëm.
Discussion about this post