Një 37-vjeçar është arrestuar nga Policia e Tiranës, pasi ushtronte aktivitetin e lojërave të fatit me anë të celularit. Personi në fjalë u kap në flagrancë duke ushtruar aktivitetin e paligjshëm të lojërave të fatit, me anë të celularit, në rrugën “Tom Plezha”, dhe gjatë kontrollit nuk i është bindur punonjësve të Policisë, për të treguar dokumentin e identifikimit.
Në cilësinë e provës materiale u sekuestrua një aparat celular që dyshohet se vendoseshin skedinat. Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale, për veprat penale “Organizimi i lotarive të palejuara” dhe “Mosbindja ndaj urdhrit të punonjësit të policisë së rendit publik”.
Discussion about this post