Dy ditë pasi Flamur Noka deklaroi se të gjithë të larguarit nga detyra prej ish-kryedemokratit Lulzim Basha do të rikthehen, në PD u shkaktuan lëvizje të tjera. Operacioni “Fshesa” që ka nisur brenda selisë së Partisë Demokratike, duke se nuk është pritur mirë nga të gjithë. Por mesa duket largimi i personazheve dhe deputetëve nga grupi i zyrës së shtypit, kanë bërë që të nisin pakënaqësitë.
Një nga zërat kundër duket se është edhe dhëndri i ish-kryeministrit Sali Berisha, Jamarbër Malltezi, i cili ka komentuar në lajmin e publikuar në media. Malltezi shkruan se përjashtimi nuk është zgjidhje, duke kërkuar më shumë qetësi dhe punë nga të dy palët për t’u bërë bashkë në favor të demokratëve. Po ashtu ndër të tjera, thekson se dhe vetë lideri historik i Partisë Demokratike, Sali Berisha kërkon bashkim të palëve.
“Ke te drejte, nuk është mire përjashtimi. Duhet qetësi dhe punë e përbashkët jo kthimi tek e njëjta monedhë” – shkruan Malltezi.
Discussion about this post