Është zbardhur njoftimi i SPAK për urdhër arrestet e lëshuara për personat e përfshirë në aferën e inceneratorëve. Sipas njoftimit, masa arrest me burg është përcaktuar për ish-ministrin Lefter Koka që ndodhet në burg, dhe për Pëllumb Abeshin, Azem Shatërin, Florjan Muçën, Erjon Murataj, Arenc Myrtezani, dhe Klodian Zoton, i cili aktualisht është në kërkim.
Ndërsa masa “arrest shtëpie” është vendosur për Sabina Cenameri dhe Etleva Kondi. Ndaj të gjithë këtyre personave rëndon akuza “shpërdorim detyre”, ndërsa për ish-ministrin cështja është më ë ndërlikuar pasi akuzohet për korrupsion dhe pastrim parash.
Prokuroria e Posaçme Kundër Krimit dhe Korrupsionit, SPAK nisi një seri arrestimesh mëngjesin e sotëm lidhur me dyshimet për korrupsion gjatë lejeve dhe ndërtimit të tre inceneratorëve për trajtimin e mbetjeve urbane në Elbasan, Fier dhe Tiranë, ku lista pritet të jetë më e gjatë.
Pas tre muajsh hetime dhe intervista për inceneratorët, PD doli në përfundimin se nga buxheti i shtetit janë vjedhur 430 milionë euro, ndërsa depozitoi 7 padi për Erion Veliaj, Emiriana Sako, Alqi Bllako, Damian Gjiknuri, Arben Ahmetaj, Ëngjëll Agaçi dhe Armando Subashi, por ende nuk ka asnjë arrestim për zyrtarët e lartë dhe miqtë e ngushtë të Ramës.
Discussion about this post