Protesta e sotme para Kryeministrisë ka dhënë efektet e para në qeverinë Rama, pasi Bordi i Transparencës ka vendosur sot uljen në disa qindarka të çmimit të naftës.
Sipas njoftimit, Bordi vendosi të ulë disi çmimin e naftës, benzinës dhe gazit për periudhën 29 mars – 31 mars. Sipas këtij vendimi, një litër naftë me pakicë do të shitet 237 lekë nga 245 që ka qenë deri më tani, kurse një liter benzinë do të shitet me 211 lekë.
Ndërsa gazi vijon të mbetet në shifra rekord, ku këto dy ditë do të tregtohet me 116 lekë për litër. Megjithëse çmimi i naftës në bursa ka pësuar një ulje ditët e fundit, në vendin tonë po reflektohet më ngadalë, ndërsa qytetarët kanë paralajmëruar një valë të re protestash.
Discussion about this post