Kreu i grupit parlamentar të PD, Enkelejd Alibeaj ka reaguar për operacionin e SPAK në lidhje me aferën e inceneratorëve, ku është kërkuar edhe arrestimi i deputetit të PS, Alqi Bllako.
Alibeaj kërkon mbledhjen e menjëhershme të Këshillit të Mandeteve, për të shqyrtuar mandatin e Bllakos pas kërkesës së SPAK, ndërsa shton se PD është e vendosur t’i shkojë deri në fund kësaj çështje.
“Pasi jemi njohur nëpërmjet medias me kërkesën e SPAK për kërkesën për autorizim për procedim, kërkojmë mbledhjen e menjëhershme të Këshillit të Mandeteve në Kuvendin e Shqipërisë, për të shqyrtuar mandatin e deputetit të PS, Alqi Bllako, ndaj të cilit është vendosur masa e arrestit për aferën e inceneratorëve. Nuk duhet pritur më asnjë minutë. Koha është tani. Partia Demokratike është e vendosur për ta çuar deri në fund këtë çështje dhe inkurajon drejtësinë të zbardhë deri në fund vjedhjen e shekullit dhe të vendosë para drejtësisë të gjithë përgjegjësit, deri tek zyrtari më të lartë i përfshirë’” shkruan Alibeaj.
Nga ana tjetër, kryeministri Edi Rama ka thirrur në mbledhje urgjente qeverisë pas kërkesës për arrestimin e Bllakos, ku Rama për të shpëtuar veten do të sakrifikojë sërish njërin nga “peshqit e vegjël”, për të mbyllur njëherë e mirë skandalin.
Discussion about this post