Detaje të reja janë mësuar nga atentati me armë zjarri në Papër të Elbasanit. Burime nga grupi hetimor bëjnë me dije se brenda mjetit tip ‘BMW’ janë gjendur 5 litra benzinë. Nuk dihet se për çfarë do përdoreshin, ndërkohë që ekziston mundësia që me mjetin të ishte planifikuar ndonjë atentat por dikush i ka prerë rrugën.
Disa metra më larg vendit ku është qëlluar me breshëri kallashnikovi, makina është gjetur e braktisur nga personat që ishin brenda saj.
Një tjetër detaj që është konstatuar është se makina e qëlluar është me targa të vjedhura.
Nuk dihen ende rrethana të tjera të ngjarjes. Shërbimet e Policisë ndodhen në vendngjarje dhe po krehin zonën me qëllim kapjen e personave të përshirë në këtë ngjarje.
Discussion about this post