Deputeti i Partisë Demokratike, Flamur Noka e ka konsideruar një meritë të PD dhe LSI rezultatet për inceneratorët. Në një intervistë për mediat, Noka i cili ishte pjesë e deputetëve që nuk e votoi raporton e Komisionit Hetimor për inceneratorët, është justifikuar duke thënë se u ngrit për të varrosur çështjen e inceneratorëve.
“Për ne e rëndësishme është që korrupsioni që po prevalon në këtë qeveri duhet të gjente një ndëshkim. Shpresoj që ky të jetë një hap, i vonuar, por shpresoj që t’i shkohet deri në fund. Në këto vite çdo iniciative për ta bërë këtë ka qenë sipërfaqësore. Megaafera e incenratorëve është një tagjikomedi e luajtur në kurriz të shqiptarëve me një biznes i sponsorizuar me taksat e shqiptarëve. Është luajtur shumë rëndë me pronarët e inceneratorëve. PD dhe LSI ngritën alarmin të parat. Merita e tyre është që hapën hetimet. Gjithë kjo aferë ka filluar të hetohet falë denoncimeve tona, nuk mund të mohohen, faktet janë fakte. Babëzia është aq ashiqare sa këta kanë menduar se janë pronarët e Shqipërisë” – është shprehur Noka.
Discussion about this post